Ársins grøni stovnur 2023
Fyritøkan Hugla, hevur heiðra Miðgarði við hesi viðurkenning. Hugla arbeiðir við at undirvísa, ráðgeva og við verkætlanum. Endamálið er at menna skapanarhugin, hugflog, innovatión og kreativitet hjá børnum og vaksnum, við at skapa eina burðardygga mentan við fokus á náttúru og vrakað tilfar at skapa úr. Í Miðgarði verður miðvíst arbeitt við tilvitanini hjá børnum um burðardygd, grønum vanum og at skapa tilknýti til náttúruna ígjøgnum námsfrøðiliga arbeiði. Arbeitt verður við endurnýtslu á ymiskan hátt og at avmarka tilfarsnýtslu og rusk. Og hetta fekk Miðgarður eina Huglu fyri, sum er tekin um umsorgan fyri menniskjum og umhvørvi.
17.11.2023